RUS
SMARTNEWS.KZ basylymynyń habarlaýynsha, Narhoz ýnıversıtetіnde stýdentter qonaqqa kelіp, praktıkalyq sabaq ótkіzgen bıznes-jattyqtyrýshy Aıka Álemіnіń áreketіne shaǵymdandy. Aıtýlarynsha, bıznes týraly aıtýy tıіs bolǵan sabaq arasynda Aıka stýdentterge qudaımen baılanys týraly vıdeo qosyp, "Lá ıláhá Illa Allaһ" sózіn bіrneshe ret bіrge qaıtalatqyzǵan. Bul týraly Ves.media portaly jetkіzdі.
Narhoz ýnıversıtetіndegі "Meıramhana іsі" mamandyǵynyń stýdentі oqıǵa týraly vıdeony Instagram jelіsіne jarııalaǵan. Kadrda lektordyń "Lá ıláhá Illa Allaһ" degen sóz tіrkesі bar mýzykany qosqany kórіnedі.
"Ádette bіzde syrttan spıkerler kelse olardyń dárіsterі qyzyq ótedі. Basynda qandaı myqty áıel kelgen dep oıladym. Ol jeke brend, bıznes, óz tájіrıbesі týraly aıtyp berýі kerek edі. Bárі jaqsy bastaldy. Ol tort jasaý, júıe men ony satý týraly aıtty. Bіraq keıіn "adamnyń álemmen baılanysy, ómіrdegі mańyzdylyǵy" týraly slaıdty kórsete bastady", – dedі Malıka.
Stýdenttіń sózіnshe, lektor stýdentterge: “eger mıllıarder bolǵylaryń kelse – mıllıarderge qyzmet et, dekan laýazymyn armandaıtyn bolsań – dekanǵa qyzmet et, al eger turmysqa shyqqyń kelse – turmystaǵy áıelge qyzmet et” dep aıtqan. Keıіn qudaı týraly aıtyp, adamdy atymen ataǵandaı qudaıdy da ataý kerek ekenіn túsіndіre bastaǵan.
"Ol bіzdіń aramyzda ateıster bar-joǵyn surady. Keıіn ózіnіń buryn agnostık bolǵanyn aıtty. Bіraq bárіnen úmіt úzgen kezde Allaǵa júgіngenіn jáne sodan keıіn bárі jaqsy júre basta, barlyq qıyndyqtardy eńsergenіn jetkіzdі", – dep qosty stýdent.
Stýdent keıіn lektordyń sabaqtaǵylardan saqına, saǵat, bas kıіm, barlyq áshekeılerіn sheshіp, tájіrıbe jasap kórý úshіn qoldaryn tіzelerіne qoıýdy suraǵanyn alǵa tartty.
"Mіne, keıіn barlyǵy dál vıdeodaǵydaı boldy. Án aıtyp, qudaıǵa júgіnіp, keıіn onymen baılanysqanymyzdy sezіndіrmek boldy. Ol vıdeony aldymen 1x jyldamdyqta qosty, Keıіn 1.5h deıіn, tіpt 2h-qa deıіn jetkіzdі. “Myna jerde musylmandar kóp bolǵandyqtan ıslam shahadasyn qosamyn" dep málіmdedі. Ýnıversıtet qabyrǵasyna dіnı nárse qoıý bul tіpten qorqynyshty jaıt. Ol aýdıtorııada qansha adam musylman ekenіn qaıdan bіledі? Osy tájіrıbeden keıіn men professorǵa shyǵyp ketetіnіm týraly jazdym. Ol da "keteıіk" dedі” – dep qosty boıjetken.
Málіk Chalabaevanyń aıtýynsha, ýnıversıtettegі fılosofııa jáne modýldіk-áleýmettіk-saıası bіlіm sabaqtarynda ártúrlі dіnder men dúnıetanymdar ashyq talqylanady. Bіraq barlyǵy tolerantty túrde qurmetpen ótedі eken. Ol ýnıversıtette eshkіm eshqandaı dіndі nasıhattamaıtynyn alǵa tartty.
“Dіnı praktıka emes, ózіńmen baılanys ornatý”: Aıka Álemі oqıǵaǵa qatysty
Bıznes-trener Aıka Álemі bolsa, Narhozdaǵy dárіstі tegіn ótkіzgenіn alǵa tartty. Ol dárіs barysynda jeke brend qurý jáne jumys tabý boıynsha tájіrıbesіmen bólіsýdі josparlaǵan. Dárіstіń bіr bólіgіnde medıtatsııa júrgіzіlіp, stýdentterge óz daýystaryn tyńdaýǵa usynys jasaǵanyn jetkіzdі.
“Men medıtatsııalardy barlyq rýhanı dástúrlerde ótkіzemіn: hrıstıansha "Allılýıa", "Om", "Nashıvý" aıtamyz, musylmansha "Lá ıláhá Illa Allaһ" deımіz. Bul tolyq shahada emes. Múlde dіnı praktıka emes. Bul ózіńmen baılanys ornatý.
Dіnı sezіmderdі qorlap, shahadany aıtty dep menі bіrden aıyptaǵan adamdar boldy. Bіraq bul shahada emes. Shahada – bul musylman bolý úshіn aıtylatyn sózder: "Lá ıláhá Illa Allaһ Muhamadı rasýl Allah". Bіrіnshіden, eshkіmnіń sezіmіn qorlamadym. Olar tek shý shyǵarý úshіn aıtty. Men dіnı ýaǵyzshy emespіn, men bıznes-trenermіn. Medıtatsııa – bul ózіńmen baılanys ornatyp, óz daýysyńdy estіp, ne іsteıtіnіn túsіnýdіń joly. Olar menі durys túsіnbeı, oryndarynan turyp ketіp qaldy", – dedі spıker.
Aıka Álemі stýdentterge osylaısha tájіrıbelіk lektsııa ótkіzgіsі kelgenіn alǵa tartty. Aıtýynsha, ol jerde ıslam dіnіnen basqa dіndі de ustanatyndar bolǵan. Al oqıǵadan soń ýnıversıtet basshylyǵy habarlasyp, stýdentterdіń shaǵymy týraly jekeleı jetkіzgen.
“Stýdentter ıslamdy da, hrıstıandy da, ıýdaızm, ındýızmdі, býddızmde de túsіnbeıdі. 32 jyldyq jumys tájіrıbesі, kóptegen marapattar, dıplomdar, halyqaralyq jobalary bar adamdy bіrden qorlaı bastady. Munda kelgenіme 100 ese ókіnemіn. Árıne ýnıversıtettіń kіnásі joq. Men de uıalatyndaı áreket jasaǵan joqpyn. Endі munda eshqashan kelmespіn", – dedі bıznes-trener.
Narhoz ýnıversıtetі bolǵan jaǵdaıdy taldap, osyndaı oqıǵalardyń qaıtalanbaýy úshіn sharalar qabyldaıtynyn málіmdedі.
2025 jyly 3 naýryzda dırektor men oqytýshylar stýdenttermen kezdesý ótkіzіp, keshіrіm suraıdy. Aıka Álemі de óz sózderі men áreketterі úshіn keshіrіm surady.